Redaktoru olduğum daha bir kitab işıq üzü gördü…

Kitabın müəllifi, Yardımlı torpağının ziyalı oğlu, ömrünü gənc nəslin təlim-tərbiyəsinə, savadlanmasına həsr edən, bu gün də gözəl Yardımlının Qaraqaya kənd tam orta məktəbində böyük sevgi ilə Ana dilimizin, Ədəbiyyatımızın incəliklərini şagirdlərinə öyrədən müəllim — Eynulla İsmayılovu ilk kitabı münasibətilə ürəkdən təbrik edir, sağlam ömür, bol yaradıcılıq uğurları diləyirəm!

Qeyd edim ki, işıq üzü görən «Hippokrat andlı yazıçı» kitabı müəllifin, respublikanın tanınmış uroloq-cərrahı, tibb və fəlsəfə elmləri üzrə fəlsəfə doktoru, tibb xidməti polkovniki, Əməkdar həkim və 30-dan çox bədii əsərin və müxtəlif səpkili kitabların müəllifi olan Ramiz Əkbərlə bağlı tədqiqat əsəridir.

Eynulla müəllim həddən çox sadə, səmimi, təvazökar, zəngin söz ehtiyatına malik olan bir ziyalımız, söhbətlərindən doymadığımız maraqlı bir İnsandır. Bu günədək onun qələmə aldıqları kitab halına salınsaydı, kitablar saya gəlməzdi…

Məhz Zəfər günlərində kitabın işıq üzü görməsi hər birimizin sevincinə sevinc qatdı…

Fürsətdən istifadə edib, Eynulla müəllim kimi bir şəxsiyyətlə tanışlığıma görə, dostumuz Xatirə Fərəcli yə təşəkkür edirəm! Əgər layihəsini həyaya keçirmək üçün ucqar Yardımlı torpağına üz tutanda məni dəvət etməsəydi, Qaraqaya kəndində, məhz İsmayılovlar ocağında bu layihə gerçəkləşməsəydi, çətin ki mən Eynulla müəllimlə tanışlıq imkanı əldə edərdim. Bu da bir təsadüf, qismət…

Əziz Dostlarım, inşallah, təqdimatlarda görüşənədək!

Hər birinizi bu, möhtəşəm bayramlarımız münasibətilə təbrik edir, cansağlığı, hər bir addımınızda uğurlar diləyirəm! VAR olun!!!

Aygün Hacıyeva,
jurnalist, yazıçı-publisist,
AJB, AYB və AAB-nin üzvü.