«Mədəni İnkişafın Təbliği» İctimai Birliyi Azərbaycan Respublikasının Mədəniyyət Nazirliyinin maliyyə yardımı ilə Ədəbiyyatımızın, mədəni irsimizin dünyada tanıdılması məqsədi ilə “Dünyada biz” layihəsinin icrasına başlayıb. 

Layihənin icrası ilə bağlı peşəkar işçi heyəti seçilmiş, tədbirlər planı hazırlanmışdır. 

Layihənin əsas məqsədi  Azərbaycanımızı, onun ədəbi və mədəni irsini dünyaya  daha da tanıtmaqdır. 

Layihə çərçivəsində Azərbaycan ədəbiyyatının tanınan simalarından birinin  əsərləri ingilis dilinə tərcümə edilərək kitab-almanax kimi dərc ediləcək. İngilisdilli oxucular üçün hazırlanacaq kitab-almanaxın təqdimatı keçiriləcək, daha sonra isə kitabxanalara paylanılacaq.

Məlumat üçün qeyd edək ki, layihənin icrasının 2 ay (01.04.2024-01.06.2024)  müddətində Bakı və Sumqayıt şəhərlərində həyata keçirilməsi nəzərdə tutulub.

«Mədəni İnkişafın Təbliği» İctimai Birliyinin 
mətbuat xidmətinin məlumatı