Dağıstan Dövlət Pedaqoji Universitetinin “Filologiya” fakültəsinin tələbə və müəllim heyəti ilə Azərbaycan Yazıçılar Birliyinin Sumqayıt Şəhər Bölməsinin məsləhətçisi, AYB-nin “İRS” komissiyasının üzvü, “ZƏRİF” Qadın Ədəbi Məclisinin sədri, “Mədəni İnkişafın Təbliği” İctimai Birliyinin sədri, mitmedia.az saytının təsisçisi və rəhbəri, şair Xatirə Fərəcli ilə görüş keçirildi.
FakültəninTəlim-tərbiyə üzrə dekan müavini M.Z. Rəşidova şairə haqqında tədbir iştirakçılarına geniş məlumat verdi. Daha sonra universitetin kafedra müdiri Q.İ. Əliömərova, Dekan müavinlərindən Maya Ziyamutinovnanın çıxışından sonra söz tələbələrə verildi. Səslənən şeirlər, çalınan musiqilər, oxunan mahnılar tədbirə xüsusi rəng qatdı.
Tədbirin sonunda X.Fərəcli təşkilatçılara öz dərin minnətdarlığını bildirərək məmnunluğunu ifadə etdi, tələbələrə xoş arzu-diləklərini söylədi. O, özünün yeni çapdan çıxmış (dörd müəllifin Azərbaycan dilindən rus dilinə tərcüməçiliyi ilə, 2023-cü ildə işıq üzü görən 268 səhifəlik kitab) “Зимние деревья” (“Zimniye derevya”) kitabını imzası ilə tələbələrə hədiyyə etdi.
Görüş xatirə şəkilləri çəkilməklə tarixin yaddaşına həkk olundu.
Aygün Hacıyeva,
AJB, AYB və AAB-nin üzvü
