Tarixin şahidi qədim Bakımız,

                       Qəhrəman oğullar, mərdlər şəhəri!

                       Mavi Xəzərimiz, əziz Bakımız…

                       Vardır gələcəyi, aydın səhəri…

                       Təlatümə gəlir, mavi Xəzərim

                        Bənzəri dünyada yoxdu Xəzərin

                        Çırpılır sahilə o gur dalğalar,

                        Bol-bol sərvəti var mavi Xəzərin…

                        Gülüstan qalası, eldə qalası,

                        Cavanşir qalası, mərdlər yuvası,

                        Veribdir Bakıya görkəm, yaraşıq,

                        Xəzərin qoynunda o Qız qalası…

                        Sən meydan oxudun, haqq-ədalətə,

                        Qədimdən bu yana öz elatınla,

                        Tarixdə iz qoydun uca sanınla.

                        Dahilər beşiyisən gözəl Bakım!!!