Yasamal rayon MKS-nin A.Şaiq adına 2 nömrəli kitabxana filialı “Yubileylər silsiləsi” layihəsi çərçivəsində  T.Abbasov adına 225 nömrəli tam orta məktəbin şagirdləri ilə dahi Azərbaycan şairi, böyük mütəfəkkir Məhəmməd Füzulinin 530 illik yubileyi ilə əlaqədar tədbir keçirdi.

         Tədbirdə kitabxana filialının müdiri Yəmən Əmirova dahi şairin zəngin bədii irsi haqqında məlumat verdi və Azərbaycan ədəbiyyatında onun əvəzsiz və təkrarolunmaz rolunu vurğuladı.

Kitabxananın əməkdaşı Aybəniz Əliyeva şagirdləri M.Füzulinin kitabxana fondunda olan kitabları ilə tanış etdi, onlarda milli-mənəvi dəyərlərin, dünyagörüşünün artırılması üçün daha çox mütaliə etməyi tövsiyə etdi.

         Tədbirdə iştirak edən şagirdlər Ağakərim Abdullayev, Vəfa Heydərova, Murad İbrahimov dahi M.Füzulinin həyat və yaradıcılığı haqqında danışdılar. Cahandar Rəhimzadə, Mənsurə Adığözəlli, Raul Əliyev, Əsma Babaşlı görkəmili şairin “Söhbətül-əsmar”, “Bəngü-badə” və “Leyli və Məcnun” kimi böyük əsərləri haqqında məlumat verərək şairin qəzəl və rubailərini söylədilər.