Bakı Şəhər Mədəniyyət Baş İdarəsi Yasamal rayon Mərkəzləşdirilmiş Kitabxana Sisteminin M.Ş.Vazeh adına Mərkəzi Kitabxanasının Uşaq şöbəsi “Nağıllar aləminə səyahət” layihəsi çərçivəsində Kreativ İnkişaf Mərkəzində Ümumdünya Yazıçılar Günü ilə əlaqədar tədbir keçirdi.
Tədbirdə uşaqlar, kitabxananın əməkdaşları və Kreativ İnkişaf Mərkəzinin müəllimləri iştirak etdilər. Kitabxananın əməkdaşları S.Namazova H.X.Andersenin “Düyməcik”, İ.Hüseynova Ş.Perronun “Qırmızı papaq” nağıllarını uşaqlar üçün ucadan oxudular. Sonra uşaqlarla nağıl qəhrəmanları haqqında söhbət aparıldı.
Kreativ İnkişaf Mərkəzinin müəlimləri V.Bağırova və A.Həsənova uşaqlara nağıllar haqqında danışdılar. Tədbirdə klassiklərin kitablarından ibarət sərgi nümayiş olundu.
