Hər il olduğu kimi, bu ilin sonuna yaxın, “Avand Production”un təşkilatçılığı ilə, müxtəlif nominasiyalar üzrə, “Gold Faces of Azerbaijan – 2023” mükafatlanma mərasimi təşkil olundu.
Bakı şəhərində, “Teleqüllə” restoranında baş tutan təltifolunma mərasimində sumqayıtlı kadr, telejurnalist, AJB-nin üzvü, “Qızıl Qələm” media mükafatçısı Yeganə Telmanqızı (Hüseynova), il ərzində media səhəsindəki uğurlarına görə, “Gold Faces of Azerbaijan — 2023” mükafatına layiq görüldü.
Qeyd edək ki, sözügedən mükafat artıq bir neçə ildir ki, Şirkət tərəfindən təsis edilib və bütün sahələri əhatə etməklə, il ərzində yüksək fəaliyyəti ilə sayılıb-seçilən, uğura imza atan şəxslərə təqdim olunur.
Hər zaman şəhid ailələrinin yanında olaraq onlara mənəvi dayaq olan, onların problemləri ilə yaxından maraqlanan və həlli istiqamətində köməklik göstərmyə çalışan vətənpərvər xanım göstərilən diqqətə görə təşkilatçılara təşəkkürünü bildirərək qeyd edir ki, “bundan sonra da əzmlə çalışacam, yeni-yeni layihələrə imza ataraq etimadı doğruldacam”.
Yolunuz açıq, uğurlarınız bol olsun, Yeganə Telmanqızı!

Aygün Hacıyeva

•