2015 ildən fəaliyyət göstərən “Miqrasiya Prosesləri” İctimai birliyinin təsisçisi və rəhbəri Fəridə Hicranın Almaniyanın Hamburq şəhərində yaşayan Azərbaycan icmaları ilə görüşü baş tutub.
Görüşdə, Fəridə xanımın işlədiyi layihələr barədə söhbət açmış və bu işin ən önəmli cəhəti Azərbaycanın yüksək mədəniyyət və dövlətçiliyi barədə yerli ictimaiyyətə çatdırmışdır. Həmçinin, Fəridə xanım, Azərbaycanın multikultural dəyərlər diyarı olması və Prezidentimiz Cənab İlham Əliyevin tolerantlığa verdiyi üstünlüyün bir çox ölkələrə örnək olmasını vurğuladı. “Miqrasiya prosesləri” İctimai Birliyinin fəaliyyətinə nəzər salanda, o, 2016 -cı ildə ilk olaraq Niderland Krallığında yerləşən Haaqa Ədalət Məhkəməsinin qapısını açan və özünün müəllifi olduğu “Qarabağda talan var” kitabının orada təqdimi barədə danışdı. Onun təsis etdiyi Birlik Azərbaycandan olan ilk təşkilatdır ki, Haaqa beynəlxalq məhkəməsinə öz kitabını çatdrmaqla bərabər, Azərbaycan həqiqəti barədə burada danışmışdır. O, Niderland Krallığı televiziyasında da çıxışından söhbət açdı. Niderlandda yaşayan həmyerlilərimiz və diaspora fəalları ilə sıx əməkdaşlığından və onların fəaliyyətlərindən danışdı.
Həmçinin, Fəridə xanım Hamburqdakı soydaşlarımızla görüş keçirərək onların problemləri və qayğıları ilə maraqlanmışdır. Burada fəaliyyət göstərən icma üzvlərinin fəaliyyəti ilə qürur duymuş, buradakı dəyərli və vətənpərvər insanlarla tanış olduğunu qeyd etmişdir.
Fəridə xanımın dəyərli tövsiyələrindən ən əsası isə burada doğulub böyüyən gənc nəsil Azərbaycanlılarımızın ana dilinə rəğbət hissinin aşılanması , mədəniyyət və musiqimizə məhəbbətin təbliğ olunması oldu.
Görüşdə iştirak edən Alman Azərbaycan Dostluq dərnəyinin rəhbəri Xəlil Xəlilov, Rasim Tağıyev, Fəxri Həsənli, İrak Türkmənlərinin başçısı Rəmzi Yazim, üzvlərdən Əsgər Ələkbərov iştirak edirdilər.
Görüşə qatılanlardan Fəxriyyə xanımın dediyi kimi, burada hər bir Azərbaycanlının evi, onlar üçün bir növ, görüş düşərgəsidir. Burada soydaşlarımız, gündəmdə olan məsələlər, vətənimizdə baş verən hadisələri müzakirə edirlər.
Eləcə də, bu şəhərdə, gələcəkdə Azərbaycan evinin açılmasının zəruri olduğunu vurğuladılar.
Əsas məsələ isə, soydaşlarımızın yerli ictimaiyyətin Qarabağ məsələsində ermənilər haqqında qurduqları mifləri dağıdıb yox etmək və həqiqəti düzgün təfərrüatı ilə onlara çatdırmaqdır.
Maraqlı və gözəl söhbətlərdən fərəhlənən Fəridə xanım və Hamburq şəhərində yaşayan soydaşlarımız, belə görüşlərin daha da sıx keçirilməsinin vacibliyindən danışdılar.
Sonda, fotolar çəkildi, görüş barədə fikir mübadiləsi aparıldı.

• 

• 

• 

•